O’zgarish bu yerdan: Yoshlar uchun korrupsiyaga qarshi qo’llanma

“O‘zgarish by yerdan: Yoshlar uchun korrupsiyaga qarshi qo‘llanma” — Search for Common Ground tashkiloti, Yuksalish harakati hamkorlikda, AQSh Davlat Departamenti tomonidan moliyalashtirilgan #YoshXabardor: Yoshlar korrupsiyaga qarshi loyihasi doirasida ishlab chiqilgan. Loyihaning maqsadi — yoshlar va davlat organlari o‘rtasidagi hamkorlikni mustahkamlash maqsadida yoshlar orasida amaliy ko‘nikmalarni shakllantirish: korrupsiya hodimasini chuqurroq tushunish, korrupsiya holatlarini aniqlash va ulardan xabar berish ko‘nikmalariga ega qilish, maqsadli yoshlarning davlat organlari bilan siyosatni o‘zgartirish borasida hamkorligini rivojlantirish va korrupsiyaga qarshi mexanizmlarni mustahkamlash. Ushbu qo‘llanma loyihaning ishtirokchilikka asoslangan va dalillarga tayangan yondashuvini aks ettiradi va yoshlarni o‘z jamoalarida ijobiy, barqaror o‘zgarishlarni amalga oshirishga undaydi.